Gikumpirmar sa Department of Justice nga nahuman na sa miaging semana ang extradition trial batok kang kanhi Negros Oriental Representative Arnolfo “Arnie” Teves Jr. sa Timor Leste.

Matod sa ahensya, gihatagan og igong panahon sa korte ang duha ka partido sa pagsumiter sa ilang tagsa-tagsa ka posisyon ug argumento.

Diin ang Timor Leste Central Authority mosumitir una ug katugbang nga Position Paper nga maoy sundan sa kampo sa kanhi magbabalaod.

Ang korte migahin og lima ka adlaw sa pag-umol ug pag-isyu sa ilang desisyon.

Gilauman sa DOJ nga ipagawas ang desisyon sa korte sa Timor Leste pagkahuman ning buwana.

Samtang, ang abogado ni Teves nga si Atty Ferdinand Topacio, nagdumili sa paghatag og assessment sa extradition trial nga nahitabo.