Cebu City- Gihulagway ni Human Life International director , Dr. Rene Joseph Bullecer si Father Chito Suganob nga usa ka ‘jack of all trade’.
Kini human nga gawasnon na si Fr. Suganob human nga narescue kini sa AFP gikan sa mga kamot sa mga Maute sulod sa 100 ka adlaw didto sa Marawi City.
Matud ni Bullecer nga sa iyang pagka-ila ni Suganob, usa kini ka komedyante ug daghang nahibaw-an. Gani susama nga trademark na ni Suganob ang iyang taas nga bungot sanglit wala man jud niya kini balbasi sukad pa sa una.
Sigon pa ni niini nga gi-komedyahan pa nila si Suganob kani-adto nga basin nagtakuban lang nga pari tungod sa iyang bungot ug tungod kay maayo kini sa pinulungan nga Muslim ug suheto usab kini sa kultura sa mga Muslim.
Hinoon, nagtoo si Bullecer nga kini usab ang hinungdan nganu wala siya patya sa mga Maute. Dugang pa niini nga tungod kay maayo musakay-sakay si Suganob sa mga Maute ug tungod sa kahanas niini dilli imposible nga siya nabuhi.
