CEBU – Nanawagan na usab ang Food and Drug Administration (FDA) kang President Ferdinand Marcos Jr., nga ibasura ang Vape Bill.
Nakalatid sa suwat nga gipadala sa FDA sa buhatan sa presidente nga ilang gihuptan nga ang ahensya adunay mandato sa pag-regulate sa vaping tungod sa isyu sa panglawas.
Gihimug-atan ni FDA officer in charge Director General Dr. Oscar Guttierez nga sa kasamtangang hukom sa Korte Suprema adunay gahom ang FDA sa pag-regulate sa bisan unsang produkto sa panglawas o bisan unsang produkto nga makaapekto sa panglawas sa tawo.
Ubos sa balaudnon, ibalhin ang pag-regulate niini sa Department of Trade and Industry (DTI).
Alang sa DTI, ila ra nga himuon ang ilang tahas, ilabi na sa presyo ug kalidad, kon dunay balaod nga maglangkob sa maong produkto.
