Giisip nga makasaysayanong pagbalik ang nahitabo sa America’s Got Talent stage sa dihang ang Filipino-American singer nga si Jessica Sanchez mibalik sa kompetisyon human sa duha ka dekada.
Ang nakahukom nga i-golden Buzzer siya mao si Sofía Vergara kinsa nangangha tungod sa makatandog nga performance niini.
Gikanta ni Sanchez ang “Beautiful Things” ni Benson Boone, nga nakadawat dayon og standing ovation gikan sa audience ug sa tanang judges sa maong singing competition.
Kahinomdoman, nisalmot si Sanchez kaniadtong nag-edad pa kini og 10-anyos sa Season 1 sa AGT ug nakaabot pa kini sa semi-finals.
Lakip usab sa markadong nahimo ni Sanchez mao ang kaniadtong 2013, gipagawas niya ang iyang debut album nga “Me, You & the Music” ug nigawas sa sikat nga musical TV series.
