Tungod kay dili malikayan ang kinalit nga sunog, sagad nga magkaratol ang tawo ug wala masayud kung unsaon paggamit sa fire extinguisher aron mapalong ang ka’yo.
Maong sa nasud nga South Korea, adunay giimbento nga gamit aron mapalong ang dakong ka’yo sa simpleng paagi. Kini pinaagi na sa usa ka flower vase.
Sa usa ka report, nakahimo ang South Korean ad agency nga Cheil Worldwide og “fire vase” nga sama lang ang porma niini sa usa ka flower vase.
Aduna kini sulod nga liquid potassium carbonate nga maoy nagbabag sa oxygen aron mapawong dayon ang kalayo.
Kung itandi sa fire extinguisher nga kinahanglan pang tangtangon og pisliton, kuhaon lang ang firevase ug ilabay ngadto sa nasunog nga bahin sa balay.
Hinimo sa polyvinyl chloride (PVC) ang vase aron luwas kining ilabay.
Mahimo gyud nga butangan og buwak ag firevase nga sama lang sa ordinaryo ng flower vase.
Matud ni sa assoiciate creative director nga si Hwang Seong-phil nga makatabang ang maong imbensyon aron nga dili na mokatap ang ka’yo ngadto sa laing balay.
Dugang pa ni Hwang nga sayon gamiton ang firevase ug haum kini alang sa mga nakalimot na kung asa gibutang ang fire extinguisher.
