Mibisita si First Lady Liza Araneta-Marcos sa Correctional Institution for Women (CIW) sa Mandaluyong City niadtong Nobyembre 10, 2026, aron mangulo sa paghatag og nagkalain-laing serbisyo ug tabang ngadto sa mga Persons Deprived of Liberty (PDLs).
Pinaagi sa programang “5K” nga naglangkob sa Kulay (Color), Kalinga (Care), Katarungan (Justice), Kalayaan (Freedom), ug Kabuhayan (Livelihood) kapin sa 2,500 ka mga PDL ang nakapahimulos sa mga serbisyong panglawas, legal nga tabang, art activities, ug mga programa sa panginabuhian.
Samtang, 40 ka mga kwalipikadong PDL ang legal usab nga gibuhian gikan sa nagkalain-laing pasilidad sa Bureau of Corrections (BuCor) sa tibuok nasod.
Ang mga kalihokan naglakip sa pagpanghatag og mga materyales alang sa arte, serbisyong medikal, libreng legal nga tabang, ingon man pagbansay sa urban farming ug uban pang mga kalihokan nga makamugna og kita.
Mitampo usab ang Philippine Reclamation Authority (PRA) og P1 milyon isip suporta sa mga inisyatibo sa programa alang sa panginabuhian sa mga PDL.
