FIVB Men’s World Championship 2025, opisyal nga giablihan ni PBBM

Opisyal nga giablihan ni Presidente Ferdinand R. Marcos Jr. ang FIVB Men’s World Championship 2025 niadtong Biyernes sa gabii, nga nagkuha sa center court sa Mall of Asia Arena sa Pasay City alang sa ceremonial toss nga nagtimaan sa pagsugod sa 32 ka nasod nga torneyo.

Ang opening ceremony nagtimaan sa unang higayon nga ang Pilipinas nag-host sa torneyo, nga katapusang gipahigayon sa Asia sa Japan niadtong 1998 ug 2006.

Ikaduhang nasud usab ang Pilipinas sa Asya nga nag-host sa World Championship gawas sa Japan.

Subay niini, ang kalihukan molungtad hangtod sa Septiyembre 28 ug mopahigayon usab og mga duwa sa Smart Araneta Coliseum sa Quezon City.