Magpabilin sa detention center sa International Criminal Court (ICC) sa The Hague si kanhi President Rodrigo Duterte bisan pa og adunay mga nasod nga mohawa sa maong tribunal.
Matud ni ICC Assistant to Counsel Atty. Kristina Conti, dili awtomatikong mosangpot sa pagbalik sa Pilipinas o pagbasura sa kaso ni Duterte ang pag-atras sa pipila ka nasod gikan sa ICC.
Gikumpirma sa ICC nga nagpabilin sa kustodiya si Duterte human gipanghimakak sa Appeals Chamber ang iyang challenge sa hurisdiksyon sa korte.
Niadtong Abril 2026, gikumpirma usab sa Pre-Trial Chamber ang mga kaso batok kaniya ug gipadala kini alang sa trial.
Niadtong Mayo 2026, nagdesisyon ang Trial Chamber nga magpabilin si Duterte sa detention center sa The Hague.
Gitakda usab sa korte ang pagsugod sa iyang trial sa Nobyembre 30, 2026.
Samtang, padayon ang debate sa pag-atras sa ubang nasod gikan sa ICC, diin nagpabilin ang korte sa operasyon niini bisan pa sa maong mga withdrawal.
