Human sa malampusong pagpahigayon sa ilang unang solo concert nga “The Eve of an Alpha,” gipadayag sa P-pop girl group G22 ang ilang dakong kalipay ug pasalamat ngadto sa ilang mga fans nga Bullets ug sa tanang nagpadayon sa pagsuporta sa ilang journey.
Sumala sa mga miyembro nga sila si AJ, Jaz, ug Alfea nga ang maong concert simbolo sa ilang mga sakripisyo ug kalampusan sukad sa ilang debut, samtang nagsilbi usab kini nga inspirasyon aron padayon nga makab-ot ang mas dagkong pangandoy.
Gibutyag ni AJ nga kini ang nangulo sa pagplano sa konsepto, diin gipasiugda ang pagtinabangay sa tibuok team, samtang gipaambit ni Alfea ug Jaz ang kamahinungdanon sa pagsalig sa kaugalingon, pagtuo sa team, ug pagtagamtam sa matag higayon sa entablado.////
Human sa pasundayag, mipadayag usab ang tulo ka miyembro og mapinanggaon nga mensahe sa social media aron pasalamatan ang ilang mga fans sa pagtuman sa ilang damgo nga solo concert.
