Nahimong malampuson nga nakaagi lang og pipila ka kakulian sa dalan ang nahitabong walkthrough sa Cebu City government officials, ug kapulisan sa dakbayan para sa Solemn Foot Procession route nga gipahigayon kagahapong adlawa sa Miyerkules, Disyembre 3.
Kini ang gitino ni Cebu City Councilor Phillip Zafra ang Vice Chairman sa Council Committee on Peace and Order atol sa eksklusibong pakighinabi niini sa Bombo Radyo Cebu News Team.
Sumala pa ni Zafra nga sundun nila nag template sa Sinulog 2025 para sa 2026 nga edisyon sa kapistahan sama sa ilang paghan-ay sa crowd control, traffic, ug safety measures sa tanang lugar nga adunay aktibidad may kalambigitan sa Sinulog.
Gani pipila lang sa mga kakulian na ilang naobserbahan mao ang mga uncovered manholes ug ang congestion doul sa mga CBRT stations.
Ingon man sa kinatibuk-an kay walay nakitang dakong hulga ang mga opisyal para sa maong routa para sa pagpahigayon sa mga kalihokan sa sunod buwan nga kapistahan.
Gitakda sa kagamhanang dakbayan nga sa umaabot Miyerkules, Disyembre 10 kay magpahigayon napud sila og laing inspeksyon may kabahin man sa cultural activities og sa religious sector.
