Misaka na sa kapin sa 7,600 ang gidaghanon sa mga Overseas Filipino Workers (OFWs) ug sa ilang mga pamilya nga luwas nga nakabalik sa Pilipinas taliwala sa nagpadayon nga tensyon sa Middle East, human sa pag-abot sa laing grupo sa mga Pilipino gikan sa Kuwait kagahapon.
Sumala sa Department of Migrant Workers (DMW), anaa sa 196 ka OFWs gikan sa Kuwait ang malampusong nakabalik sa nasud sakay sa usa ka commercial flight.
Ang maong lakang kabahin sa gipakusog nga repatriation sa gobyerno sa nasud aron mapanalipdan ang mga Pilipino nga naapektuhan sa kagubot sa rehiyon gikan sa peligro.
Base sa pinakabag-o nga rekord sa DMW, gikan sa Marso 5 hangtod Abril 24 ning tuiga, eksaktong 7,600 ka OFWs ug sa ilang mga dependent ang gipabakwit balik sa Pilipinas.
Kini gilangkoban sa kapin sa 5,600 ka mga trabahante ug kapin sa 1,300 sa ilang mga dependent o paryente.
Ang DMW ug ang Department of Foreign Affairs (DFA) nagpadayon sa pagmonitor sa sitwasyon sa Middle East aron matabangan ang ubang mga Pilipino nga gusto nang mopauli.
