Nakadani ang usa ka android waitress nga nagtrabaho sa usa ka restawran sa Chongqing, China tungod sa iyang sakto nga robotic moves.
Sa panahon karon nga daghang tawo nga nahadlok sa AI-powered robots nga mahimong mopuli sa trabaho sa mga tawo, lahi ang makita nga usa ka humanoid robot sa usa ka restaurant sa China tungod daw “pinagbiyak na buko” sa tawo ang maong robot.
Ingon man ang kinaiya niini sa pagabi-abi sa mgakostumer gumikan makig-interact sama pagkuha sa order, ug magdala sa pagkaon ug imnunon ngadto sa ilang lamesa.
Apan adunay mga nakulbaan o na-creepyhan sa reaksyon tungod sa gitawag nga “uncanny valley effect.”
Apan sa ulahi, napamatud-an nga usa diay kini ka tinuod nga tawo, usa kini ka dancer ug giila nga si Miss Qin, 26-anyos.
Tungod sa kusog nga reaksyon online, daghang media outlets ang miadto sa restawran aron tan-awon ang android mismo, apan nakurat sila sa ilang nadiskobrehan: tinuod nga tawo diay ang nagpaka-aron-ingnon nga android.
