Subling makigsangka ang Gilas Pilipinas sa Australia Boomers karong adlawa sa FIBA World Cup Asian Qualifiers, nga nagtimaan sa pagbalik sa team sa Australia sa Pilipinas human sa halos walo ka tuig.
Kini ang unang dula sa Boomers sa Philippine soil sukad kaniadtong Hulyo 2018, diin nahitabo ang usa ka kontrobersyal nga dula nga natapos sa kagubot ug miresulta sa daghang mga ejection gikan sa duha ka habig.
Ang duha ka team nag-atubang usab sa miaging tuig sa FIBA Asia Cup, diin ang Boomers midaog pag-usab batok sa Gilas sa iskor nga 84-60.
Sa pagkakaron, ang Pilipinas anaa sa Group A sa mga qualifiers uban sa Australia, New Zealand, ug Guam.
Samtang ang top three teams lang gikan sa matag grupo ang makaabante sa sunod nga round.
Ang Gilas nakarekord na og duha ka daog batok sa Guam sa miaging window, ug ang mga dula batok sa Australia ug New Zealand gilauman nga mahimong kritikal alang sa ilang kampanya.
Ingon man nga dili mahimong ibaliwala ang mga dagkong playes sa duha ka nasud, busa bug-at ang presyur sa mga kababayan.
