Nakaabante ang Gilas Pilipinas Youth Men’s Team sa quarterfinals sa FIBA U18 Asia Cup human gipildi ang Syria, 72-63, gahapon Huwebes sa India.
Human mapildi sa unang quarter, 15-13, nakabawi ang Gilas ug nanguna, 32-31, sa halftime.
Sa ikatulong quarter, mitabla ang duwa hangtod nga nakapahimo ang Gilas og 9-0 run aron manguna, 51-44, paingon sa fourth quarter.
Mitubag ang Pilipinas sa pagsulay sa Syria nga makaduol pinaagi sa 8-0 run nga gisugdan sa three-pointer ni JB Cagurungan ug gitapos ni Andrew Xavier Chio.
Nakauna ang Gilas, 59-49, sa nahibiling 7:04 ug wala na mabiyaan ang labaw.
Gipangulohan ni Green ang Pilipinas og 18 puntos, samtang si Cagurungan midugang og 12 ug si Bruce Tubongbanua og 10.
Sunod nga atbangon sa Pilipinas ang China sa quarterfinals.
