Andam na ang Gilas Pilipinas Women alang sa 2026 FIBA Women’s World Cup Qualifying Tournament.
Niadtong Martes, Marso 10, gipagawas sa Samahang Basketbol ng Pilipinas (SBP) ang katapusang 12 ka babaye nga lineup alang sa mga qualifier nga ipahigayon sa Lyon-Villeurbanne, France.
Siyam sa nahisgutang line-up ang kabahin na sa SEA Games sa Thailand diin nakadaog sila og bulawang medalya.
Gipangulohan kini sa nagbalik nga players sa National University nga si Afril Bernardino uban nila ni Janine Pontejos, Trina Guytingco ug mga bag-ong player nga sila si Kacey Dela Rosa, Louna Ozar, Angel Surada, Sophia Dignadice, Sarah Heyn, Kent Pastrana, Sumayah Sugapong ug Ann Pingol.
Una nilang atubangon ang France sa Marso 12 sa alas 3:30 sa kaadlawon samtang ang Germany sa Marso 13 sa alas 12 sa kaadlawon.
Makasangka sila sa Nigeria sa Marso 14 sa alas 9 sa gabii, South Korea sa Marso 15 sa alas 7:30 sa gabii, ug Colombia sa Marso 17 sa alas 9 sa gabii.
