Gipaniguro ni Presidente Ferdinand Marcos Jr. diin ang iyang administrasyon magpadayon sa pagpausbaw sa turismo sa nasud.
Gipahibalo sa Presidente nga ang gobyerno ug ang pribadong sektor nagtinabangay alang sa reporma nga gisugdan karon aron mapalambo pa ang turismo sa nasud.
Sa ika-36 nga Joint meeting sa UN Tourism Commission for East Asia and the Pacific ug UN Commission for South Asia, ang Presidente mipahibalo nga pipila sa mga reporma nga gusto niyang ipatuman mao ang visa relief, pagpalambo sa water sanitation ingon man ang pagtukod sa gikinahanglan nga pasilidad sa pag-atiman sa panglawas sa mga destinasyon sa turista.
Nagkanayon ang Presidente nga gikinahanglan ang pagpalapad sa connectivity hubs sa lain-laing mga Airport sa nasud.
Nagtuo usab ang Presidente nga sa ingon niini nga paagi mas makadani pa ang nasud og mga turista nga mogasto sa ilang kuwarta ug unya mobalik sa Pilipinas.
Matod niya nga klaro ang maayong epekto sa kusog nga turismo sa matag indibidwal nga bahin sa industriya sa turismo.
