CEBU CITY-Gipasabot ni Cebu Provincial Governor Gwendolyn Garcia ang hinungdan nganu nga sa pipila ka mga adlaw wala kini nagpahigayon og virtual press conference.
Matud sa Gobernadora nga daghan sila og gi-asikaso samtang gi-disinfect usab ang kapitolyo.Lakip na usab niini ang pagtransisyon sa probinsya gikan sa General Community Quarantine (GCQ) ngadto na sa Modified General Community Quarantine (MGCQ).
Subay niini, mibuwelta ang gobernadora sa mga taho nga matud pa nagpositibo sa COVID-19 ang iyang staff ug ingon man siya ug nagkanayon kini nga mangandoy nalang ang nagbutyag sa ingon gumikan kay wala sila natakdan sa Covid-19.
Hinoon, gipahibaw ni Garcia nga ang iyang chief of staff nga si Atty. Frank Eduard Dinsay maoy naadmit apan dili gumikan sa Covid-19 inay dengue.
Hinoon, wala gipakagamay ni Garcia ang Covid-19 ingon man ang dengue sanglit susama lang kini nga matud pa delikado hayan gi-awhag sa opisyal ang publiko nga mag-amping ug lig-onon gyud ang mga immune system aron nga makasurvive niining panahona.
Gi-awhag usab ni Garcia ang tanan nga magkahiusa alang usab sa pagbangon sa ekonomiya.
