PROVINCE OF CEBU-Magpabilin gihapon sa iyang posisyon isip Gobernadora sa Sugbo o inahan sa Sugbo, si Cebu Gov. Gwendolyn Garcia, bisan paman sa suspension order nga gipatuman sa Ombudsman batok kaniya.
Giinsister sa gobernadora nga magpadayon kini sa iyang trabaho, bisan paman nga aduna nay giluwat nga desisyon ang Ombudsman.
Dugang niini nga nangayo usab og katin-awan ang kampo sa pagkasuspinde ni Garcia, hinungdan nga magpadala kini og suwat ngadto kang Department of Interior and Local Government Secretary Jonvic Remulla.
Samtang wala pa matubag ang iyang pangutana, magpabilin usa kini sa puwesto ug moserbisyo isip Gobernadora sa probinsya sa Sugbo.
Sa pikas bahin, gikumpirmar usab ni Ombudsman Samuel
Martires, ang desisyon nga gipagawas batok kang Garcia kini human sa mga giingong paglapas sa Code of Conduct and
Ethics for Public Officials.
Kini subay sa akusasyon nga mihatag kini og special permit aron magpahigayun og quarrying activities sa Mananga River, nga anaa sulod sa Central Cebu Protected Landscape.
Apan, hugot kining gihimakak sa Gobernadora ang mga pasangil nga alang kini sa oyang personal interest inay iya kining gibuhat alang sa kaayuhan sa kinabag-an. | Bombo Nathaniel Sandoval
