Nipasaka si Cebu Gobernador Gwen Garcia og counter charge batok kang Ombudsman Samuel Martires, ning higayona atubangan sa Commission on Elections (COMELEC), tungod sa election offense ubos sa Batas Pambansa Bilang 881 o ang Omnibus Election Code.
Ang 10 ka pahina nga reklamo, nga nadawat sa Law Department sa COMELEC niadtong Mayo 7, naggumikan sa pag-isyu ni Ombudsman Martires og unom ka buwan nga preventive suspension order batok kang Gobernador Garcia atol sa election period nga wala una makaseguro sa pagtugot sa COMELEC.
Ang reklamo nagkanayon nga usa kini ka dayag nga kalapasan sa Sec. 261(x) sa BP Blg. 881, nga naglatid nga usa ka election offense kung sa panahon sa eleksyon, bisan kinsa nga opisyal sa publiko mosuspenso, nga wala’y pagtugot sa COMELEC, bisan kinsa nga elective provincial, city, municipal o barangay officer.
Ang panahon sa eleksyon 90 ka adlaw, giihap 60 ka adlaw sa wala pa ug 30 ka adlaw pagkahuman sa adlaw sa eleksyon, hinungdan nga ang pag-isyu sa Ombudsman sa suspension order nahulog sa panahon sa eleksyon, tungod kay ang parehas nga gisilbi sa Opisina sa Gobernador kaniadtong Abril 29, o 13 ka adlaw lang sa wala pa ang Mayo 12 nga midterm polls.
Ang eksepsiyon sa kinahanglanon sa pag-apruba sa COMELEC sa dili pa ma-isyu ang usa ka suspension order gihatag usab sa parehas nga seksyon sa balaod, ug kana limitado lamang sa pagsuspinde sa mga krimen nga silotan ubos sa RA No. 3019 o ang “Anti-Graft and Corrupt Practices Act”.
Apan, ang reklamo batok sa Gobernador ni Moises Garcia Deiparine nga maoy hinungdan sa suspension order dili tungod sa graft and corruption kondili tungod sa grave abuse of authority, gross misconduct, serious dishonesty, negligence, conduct prejudicial to the best interest of the service, ug usa ka paglapas sa RA 6713 o ang “Code of Conduct and Employetical Standards.”
Ang mga sumbong kay “purely administrative in nature and very outside the legal exception that might be justified the preventive suspension during the election period” without COMELEC approval, the complaint-affidavit reads.(Bombo Irene Ardiente)
