Misaad nga musayaw sa Sinulog Grand Ritual Showdown 2026 sila si Cebu Provincial Governor Pamela “Pam” Baricuatro ug si Cebu City Mayor Nestor Archival Sr. isip halad sa kapistahan ni Sr. Sto. Niño de Cebu sa umaabot Enero 18, 2026.
Kini ang gipamahayag ni Gov. Baricuatro niadtong Miyerkules, Enero 7 atol sa pakighinabi niini sa mga sakop sa tigbalita sa Cebu Capitol ug gikumpirmar sab ni Mayor Archival sa Cebu City Hall.
Nagtimaan sab kini sa alyansa sa duha ka kagamhanan diin ang pagpasundayag sa sayaw sa Sinulog isip personal nga pagpakita sa pagtuo ug ang malungtarong tradisyon sa mga Sugbuanon.
Sa habig sab ni Mayor Archival kay miangkon kini wala siyay kasinatian sa pagsayaw sa Sinulog apan ang pasalig sa gobernadora nga makasustenir kini ug sa pagsuway sa pagsayaw sa tanyag nga kapistahan sa Sugbo.
