CEBU CITY — I-apply na sa kapulisan sa Central Visayas ang government approach alang sa Negros Oriental diin hitak ug gipuy-an na sa mga sakop sa New People’s Army.
Kini ang pamahayag ni Police Regional Office (PRO)-7 Director PBGen Albert Ignatius Ferro subay sa pagkasikop sa mag-amahang NPA nga maoy responsable sa pagpatay sa upat ka pulis sa Ayungon, Negros Oriental.
I-assess matud pa karon sa PNP kung unsa ang problema sa Negros ilabina ang Bayawan City nga maoy infested gyud sa NPA aron mahibaw-an kung unsa ang ilang matabang.
Kung kini ba dunay kalambigitan sa tubig, kapobrehon o panginbuhian.
Magpahigayon matud pa ang PNP ug assessment survey.
Hinoon, gitataw ni Ferro nga dili kaayo sersyoso ang insurgency apan mamahimong makamugna kini og dakong kadaot kung dili hingusgan.
‘Mga terorista gipaluyohan sa gobyerno?’
Gipasabot ni Julito Canoy aka ‘tatay Bom’ kinsang kanhi sakop sa NPA ang rason kung ngano nga bisan paman og subsub ang kampanya sa PNP ug AFP batok sa insurgency, dili gihapon mangahurot ang mga NPA.
Kini gumikan kay gisuportaan kini sa mga langyaw nga kapitalista ug, matud pa, sila ang mga propesyunal nga nagpakairo sa mga insik, hapon, katsila og mga amerkano.
Matud ni Tatay Bom nagpaka-aron ingnon lamang ang mga langyaw nga kapitalista nga nagsuporta sila sa gobyerno apan ang tinood, terorista ang gisuportaan niini, gani ang pag-inunayay karon sa mga Pilipino, gikataw-an lamang niini nila.
Lakip na usab ang mag pulitiko nga nagsuporta sa mga rebelde ang usa sa rason nga padayon kini silang nabuhi bisan og walay mga trabaho.
Ang mga rebelde mao matud pay mangampanya para sa pulitiko bugti usab sa dagkong kwarta.
Nasayran nga hitak ang NPA sa Negros Oriental sanglit sigon ni tatay Bom dagko ug lapad ang kayutaan sa maong rehiyon ug daghan ang mamumuo ug adunahan nga maoy dali mangilkilan sa mga NPA. (with reports by Bombo Joann Gantalao/fdp)
