Grabe nga pag-ulan, nakabalda sa kataposang adlaw sa Mt. Fuji Climbing Season

Nahitabo ang pagdahili sa yuta sa parking area sa Mount Fuji Japan nunot sa kusog nga ulan, pito ka adlaw lang sa dili pa ang opisyal nga pagtapos sa summer climbing season sa maong bulkan.

Tulo ka sakyanan nga gipanag-iya sa mga trabahante sa bukid ang natabunan tungod sa kusog nga hangin ug ulan nga nagbaha sa sikat nga agianan sa mga hiker, sumala ni Hisayuki Motohashi, usa ka opisyal sa pagmentinar sa dalan sa gobyerno sa rehiyon sa Shizuoka.

Walay na-report nga naangol sa insidente, nga nahitabo sa parking area duol sa usa sa upat ka nag-unang ganghaan paingon sa 3,776-metros nga gitas-on sa bulkan.