Gibutyag sa Zero Waste Campaigner sa Greenpeace Philippines nga kinahanglang maimbestigaran ang nahitabong pagdahili sa landfill facility sa Barangay Binaliw 1, Dakbayan sa Sugbo naidtong Enero 8, 2026.
Matud ni si Marian Frances Ledesma, usa sa mga Campaigner sa Greenpeace Philippines nga kinahanglang susihon sa mga utoridad ang pagdahili sa nahisgutang landfill facility, kung aduna bay pagkuwang o posibleng kalapasan ang mga operator niini.
Dugang usab ni Ledesma, nga dapat susihon sa mga imbestigador ang kapasidad niini og kung misunod ba ang operating facility sa angayang lakang nga nahisubay sa lagda sa Republic Act 9003 o Ecological Management Act nga dapat nakasegregate na ang mga basura una idam-ok sa landfill facility og ilahi ang mga basura nga malata sa composting facility gumikan kay makahuyang kini sa istruktura sa landfill.
Sigon usab niini nga wala gayud napatuman sa mga sagad sa Local Government Units ang anaa sa nahisgutang lagda, hinungdan nga naobserbaran sa organisasyon nga ang mismong landfill facility napakyas sa pagsunod sa plano sa mismong pasilidad og nahimo nang open dumpsite.
Gihimug-atan sa Greenpeace Philippines nga mahinungdanon ang paghatag og pagtagad sa mga LGUs sa mga nagkadaiyang Solid Waste Management Plan og kinahanglang pangitaag paagi ang pagpakunhod sa mga basura og dili lang kay mokolekta og basura og idam-ok sa mga landfill facility.
Hinungdan nga nanawagan usab ang Greenpeace Philippines nga mahinungdanon ang hugot nga pagpatuman sa Waste Reduction Measures ubos sa RA 9003 og kinahanglang susihon ang mga alternatibong polisiya alang sa pagpakunhod sa basura og pagpatuman sa mga sistema nga dili na maggamit og disposable packaging.
