Gi-intercept ug gidakop na usab sa Israeli military ang grupo sa prominenteng environmental activist nga si Greta Thunberg nga sakay sa flotilla nga maghatod unta og humanitarian aid sa Gaza.
Sumala sa Israeli Foreign Ministry, daghang mga barko nga bahin sa Global South Flotilla (GSF) ang luwas nga gipahunong ug ang ilang mga pasahero gidala sa usa ka pantalan sa Israel.
Giingon niini nga ang Israeli Navy kaniadto nagsulti sa mga barko nga magbag-o sa direksyon samtang sila nagkaduol sa usa ka aktibo nga combat zone.
Ang militar sa Israel kaniadto nagtaho nga mga 30 ka mga sakayan ang nagpabiling naglawig paingon sa Gaza ug 46 nautical miles ang gilay-on gikan sa ilang destinasyon.
Gitawag sa grupo ni Thunberg ang interception kanila nga ilegal ug dili isip usa ka buhat sa depensa kondili usa ka dayag nga buhat sa desperasyon.
Giinsister usab sa grupo nga usa sa ilang mga sakayan ang gituyo nga gibangga ug gipabuthan og water cannon ang ubang mga sakayang pandagat.
Ang grupo usab miingon nga ang ilang malinawon nga sibilyan nga misyon giatake tungod kay ang kalampusan sa paghatod sa humanitarian aid magpasabot sa kapakyasan sa Israeli government.
Samtang, sumala sa Israeli Foreign Ministry, si Thunberg i-deport sa Europe sa higayon nga madala sila sa Israel.
Kahinumdoman nga niadtong Hunyo ning tuiga, si Thunberg gi-deport usab usa ka adlaw human siya ug 11 ka uban pa na-intercept sa mga pwersa sa Israel samtang misuway paghatud og hinabang ngadto sa Gaza.
