Sikat karon sa Japan ang pa-abangan nga mga lola alang sa mga gustong adunay maka-uban sa kinabuhi nga mga hamtong.
Kini ang OK Grandma Service, diin nag-offer og mga pinasahi nga serbisyo bugti sa kantidad nga 1,300-pesos matag oras.
Lakip sa mga gitanyag sa maong mga senior citizens nga nag-edad og 60 ngadto sa 90-anyos mao ang pagtambag, pag tabang sa mga lihokon sa balay, pag-uban sa laag, lakip na usab ang pag-pangayo og pasaylo alang sa mga tawong ilang nasad-an.
Ingon man ang pag-resign sa trabaho, o kaha suporta panahon sa kasakit sa kasing-kasing.
Apan, gihimug-atan sa mga senior nga ang ilang serbisyo, alang lamang sa mga dili na gustong mahasol sa kinabuhi, ug alang mga nag-ampo nga unta, anaa pa sa ilang kiliran ang ilahang inahan og apohan aron mo-agak kanila sa kinabuhi.
