Padayung mialma ang grupo sa mga magtutudlo sa planong himoun nga trimester or three-term nga set-up sa pagpahigayon og klase sa mga tinun-an sa tibuok nasud, kini gumikan kay sagad kanila wala masayud kung unsaon kini pagpatuman taliwala sa nagkadoul nga abli sa klase sa buwan sa Hunyo.
Matud ni Ruby Bernardo, ang National Chairperspn sa Alliance of Concerned Teachers, padayon nga mialma ang mga magtutudlo sa sugyot sa Department of Education nga ipatuman three-term per School Year, aron makunhoran ang kakulangan sa mga adlaw nga dili makat-on ang mga bata gumikan sa mga suspensiyon sa klase tungod sa kalamidad.
Sigon niini, nga kinahanglan nga magpahigayon una ang DepEd og pilot-testing sa pagpahigayon sa bag-ong sistema, aron masuta kong epektibo ba kini nga ipatuman sa tibouk nasud.
Mitiyabaw usab ang mga magtutudlo sa padayong nasinati nga ubos nga suholan taliwala sa padayung nasinati nga krisis sa nasud.
Gihimug-atan ni Bernado, nga 9 ngadto sa 10 ka mga maestra ang padayon nga nag-antos sa ubos nga suholan diin 75% niini ang wala pa makatung-tong sa “living wage earner” ug padayong lubog sa utang gumikan kay sila mismo ang mogasto sa ilang gamit sa pagtudlo, gawas pa niini ang personal nga panginahanglan.
Panawagan sa mga magtutudlo, nga taasan ang ilang entry level nga suholan ngadto sa P50,000 og P5,000 nga “personal economic allowance” gumikan kay nagpabilin nga 2,000 ang allowance sa mga magtutudlo sukad pa niadtong 2009.
Dugang pa niini, nga klaro ang panawagan sa mga magtutudlo sa pagpataas sa suholan gumikan kay nabiyaan na sila kumpara sa mga susamang propesyon nga nagserbisyo sa nasud, sama sa mga sundalo og uniformed personnel.
Lakip nga bout nga pataasan og suholan ni Bernardo ang mga magtutudlo usab nga anaa nakabase sa kabukiran nga hilabihan ang pagsakripsyo alang sa mga kabatan-onan.
