CEBU CITY — Gibuhi-an na sa Mandaue City Police Office (MCPO) ang usa ka lalaki kinsang mi-ambak sa Mactan Bridge (1st bridge) sa Brgy. Looc, Mandaue City sa nakalabay nga adlaw.
Kini ang gibutyag ni PCol. Julian Entoma, ang director sa MCPO, human nga ila ra usab na rescue ang milayat nga giilang si Alfonso Parajes Hermida, 23 anyos, residente sa Proper, Brgy. Kantaw-an, Naga City kinsang usa ka habalhabal driver.
Una niini, nagdrive matud pa si Hermida sa iyang motor apan pag-abot sa naasot nga taytayan, kalit lang kini nga mi-ambak.
Nasuta nga dunay sakit sa panghuna-huna ang biktima ug nagkanayon nga duna matud pay mupatay kaniya mao nga milayat siya.
Kini human usab nga narescue ang maong lalaki ug nadala sa tambalanan ug gipa-ubos sa pschiatric examination.
Dugang pa ni Entoma nga sa ilang pag background check ni Hermida nasuta nga usa ka kini nga ka drug user sa ilang lugar.
Tan-aw usab sa kapulisan nga padulong na kini malisu-an sa iyang pangisip hinungdan nga ila na kining gi-release.
Mamahimo usab nga nasinati nga hallucination sa biktima ang resulta sa pagwithdraw sa iligal nga drogas.
