Halapad nga pag-ulbo sa sunog ang natala kagahapong adlawa, Dominggo Setyembre 20, pasado alas 6:53 sa gabie sa Barangay Biasong, Zone 5, San Lucas sa Dakbayan sa Talisay.
Diin dali kining giisa sa First alarm pasado alas 7:04 sa gaibe, diin kadaghanan sa mga pamilya ang nagpunay og hakot sa ilang mga gamit aron lang aduna pay masalba, apan pipila niini ang wala gayu’y dala gumikan sa kapaspas sa paglamoy sa kalayo.
Nahimong hagit sa mga sakop ka-bomberohan ang pagpakigbatok sa kalayo gumikan kay adunay mga bahin nga hagip-ot ang mga lugar ug ang mobile fire-trucks lang ang mamahimong makasulod.
Dugang nga nakapaspas sa pagkatap sa kalayo ang hapak sa hangin, gumikan kay doul usab ni sa kadagatan hinungdan nga ang mga ginama nga light-materials nga panimalay, dali kaayung nadukot sa kalayo.
Hingpit nga napalong ang kalayo pasado na sa alas 8:23 sa gabie, sapagkakaron, padayun pang gi-imbestigaran sa mga kabomberohan ang hinungdan sa maong sunog.
