Hamas, gikondena ang pag-atake sa Israel sa refugee camp sa Lebanon

Gikondena sa Hamas ang pinakabag-o nga pag-atake sa Israel sa refugee camp sa Ein el-Hilweh sa Lebanon.

Gitawag nila kini nga usa ka ‘masaker’ nga angay manubag si Prime Minister Benjamin Netanyahu sa Israel, nga nakapatay sa 13 ka tawo.

Si Ali Baraka, usa ka senior nga opisyal sa Hamas, miingon nga ang target sa Israel mao ang mga Palestinian refugee sa Lebanon.

Kini giisip nga labing madugoon nga pag-atake sa Israel sa usa ka kampo sa mga refugee sa Palestinian.

Nanawagan kini sa mga nasud nga panalipdan ang mga refugee camps sa mga Palestino.

Sa laing bahin, giinsistir sa Israel nga ang pag-atake niini gibase sa impormasyon nga ang mga Hamas militants nagtago sa mao nga dapit.