Hamas, gikondinar ang padayon nga paglapas sa Israel sa ceasefire

Gikondenar sa Hamas ang padayon nga paglapas sa Israel sa ceasefire deal.

Sumala sa leader sa Hamas nga si Ghazi Hamas, ang Israel nakahimog 813 ka mga paglapas sa ceasefire.

Gikan sa Oktubre 10 hangtod Disyembre 12 ang Israel nakatala ug 738 ka mga paglapas.

Mokabat sa 205 ka higayon nga gipusil sa Israel ang mga sibilyan ug ang Israel nagpahigayon usab og 37 nga pag-atake sa mga balay.

Gitala usab sa Palestinian Health Ministry ang pagkamatay sa hapit 400 nga mga Palestinian tungod sa mga pag-atake sa Israel sukad kaniadtong Oktubre 11, ang unang adlaw sa hunong-buto, nga nakaangol usab sa 1,075 ka mga tawo.