Namintinar gihapon ang category sa Tropical Depression Verbena, diin aduna kini 55KM/H-90KM/H ang gikusgon sa hangin, ug kasamtangang anaa sa vicinity sa Kanlaon City, Negros Oriental.
Mao kini ang gikabutyag ni Alfredo R. Quiblat ang Chief sa PAGASA Visayas diin iyahang gidugang nga naglihok kini pa west-north-west ward at 20KM/H.
Atol sa ekslusibong pakighinabi sa Bombo Radyo Cebu kaniya, iyahang gipunting nga ang Tropical Cyclone Wind Signal (TCWS) ni Tropical Depression Verbena sa Cebu, sa Bohol, Samar, Eastern Samar, Biliran, Southern Leyte , ug uban pa diin makasinati kini og paghapak sa hangin nga 39-61KM/H, apan ang impact niini sa hangin dili grabi.
Giklaro usab ni Quiblat nga aduna gihapoy gipaepekto nga heavy rainfall warning, diin gipanglantawan nga ganinang alas 11:00 sa buntag, libkason na kini.
Ingun man kay makasinati na og arang-arang nga dagan sa panahon sukad karong hapon hangtud na sa mga mosunod nga adlaw.
