Mihimo og courtesy call ang Vatican Secretary for Relations with States and International Organization His Excellency Archbishop Paul Gallagher kang Presidente Ferdinand R. Marcos Jr., sa Malakanyang Palace.
Diin naabot ang Arsobispo gahapon sa hapon ug gipirmahan ang guest book sa Malacañang.
Kini nga pagbisita kabahin sa tinuig nga pagsaulog sa Pope’s Day.
Nasayran nga ang courtesy call sa Palasyo sundan sa tigom sa Arsobispo uban kang Foreign Affairs Secretary Enrique Manalo.
Ug karong adlawa, Hulyo 3, ang Arsobispo moadto sa Malaybalay, Mindanao, aron mosalmot sa Plenary Session sa Catholic Bishop’s Conference of the Philippines (CBCP).
Samtang ugmang adlawa, Huwebes, motambong kini sa misa, kauban ang mga obispo sa Abbey of the Transfiguration sa Malaybalay.
Mahuman ang pagbisita ni Archbishop Gallagher sa Biyernes (Hulyo 5), diin lakip kini sa conference sa Foreign Service Institute sa Maynila.
