Gikumpirma sa hostile witness nga si kanhi Office of the Vice President (OVP) Special Disbursing Officer (SDO) Gina Acosta, nga gimandoan siya ni VP Sara Duterte nga ihatag ang P125 milyon nga confidential funds ngadto kang Col. Raymund Dante Lachica, kini atoll sa ika-16 nga adlaw sa impeachment trial ni VP Sara.
Sumala ni Acosta, si Lachica ang adunay kahibalo ug kahanas sa pagpatuman sa confidential operations tungod sa iyang access sa national security information.
Hinuon, giangkon ni Acosta nga isip SDO, siya mismo ang responsable sa pag-disburse sa confidential funds.
Sa dihang gipangutana ni Senate Impeachment Court Presiding Officer Francis “Chiz” Escudero kung ang paggasto sa confidential funds kabahin ba sa mga katungdanan sa security officer, si Acosta miingon nga dili kini trabaho ni Lachica kondili sa disbursing officer.
Human sa pagpagawas sa P125 milyon ngadto kang Lachica, si Acosta miingon nga iyang gisumite ang mga report sa paggamit ug gi-liquidate ang mga pundo.
