Mosumiter ang House Prosecution Panel og motion for clarifications ngadto sa Senate impeachment court kalabot sa ilang desisyon nga i-remand o ibalik sa balay sa mga representante ang articles of impeachment diin giimbestigahan si Bise Presidente Sara Duterte.
Sa hangyo sa House Prosecution panel ug sa media, gipahayag ni Rep. Gerville Luistro nga gusto nilang klaruhon nga dili nila dawaton ang articles of impeachment, diin tulo ka punto ang gusto niini nga itumbok.
Gani, gahapong adlawa kay gikatakdang moduso ang prosecution panel og motion seeking clarification sa impeachment court, diin gihangop sa House Prosecution panel ang pag-isyu og summon ngadto kang VP Sara, nga nagtimaan nga buhi pa ang impeachment trial.
Sa isyu kon motabang ba ang prosecution panel sa Korte Suprema, si Luistro niingon nga sayo pa kaayo para ila kining tukion.
Ingon man nga gikwesyon ni Manila Rep. Joel Chua ang lakang sa Senado tungod kay ang ilang gihimo wala sa ilang mandato.
Samtang, atol sa pakighinabi sa Bombo Newsteam kang Atty. Neri Colmenares, gipaambit niini nga mao kini ang unang higayon nga nahitabo sa kasaysayan sa Korte nga nabalik ang complaint aron ipangutana kung angay ba kini o dili.
Gidugang pa niini nga kung desidedo kang moduso sa reklamo wala nay angay pa nga ibalik.
Ingon man nga mao usab kini ang unang higayon nga nakadungog si Atty. Colmenares nga dili ang akusado ang nisang-at og motion for dismiss.
Kini nagpakita nga makalulooy ang mga katawhan nga nagpaabot kung unsa ang resulta sa impeachment case ni VP Sara.
