-- ADVERTISEMENT --
Gihingusgan sa Philippine National Police – Highway Patrol Group Central Visayas (PNP-HPG 7) ang ilang pagpahibalo sa publiko sa road safety awareness karong holiday season.
Kini ang gipamahayag ni Police LtCol. Wildemar Tiu ang Officer-in-Charge sa HPG-7 diin base sa ilang datus kay mas taas ang mga aksidente sa kadalanan karong panahon sa kapaskuhan ingon man ang kalambigitan sab sa mga kriminal nga aktibidad sa mga behikulo susama sa carnapping ug highway robbery.
Gani gihimug-atan sab sa hepe sa HPG-7 ang kahimtang sa mga pampublikong sakayan sama sa mga buses, taxis, ug jeepneys.
Ingon man ang kapiskay sa kahimtang sa mga drayber aron luwas ang pagbyahe sa mga pasahero ug mga motorista padulong sa ilang mga destinasyon.
