CEBU –Nisang-at og divorce ang usa ka lalaki sa China human madiskobrehi, human sa 16 ka tuig nga kaminyoon, nga dili siya ang amahan sa tulo ka anak nga babaye sa iyang asawa.
Sa usa ka taho, giingong napasaylo na sa lalaki nga giila nga si Chen, sa Jiangxi province , ang pag-abuso sa iyang asawa, nga giila nga si Yu.
Apan daw bug-at alang sa 45-anyos nga si Chen dihang nasayran niya sa paternity test nga dili iya ang tulo ka mga anak nga iyang gipadako.
Nasayran nga kanunay wala sa ilahang panimalay si Chen gumikan nagtrabaho kini sa layo apan wala magtuo ang lalaki nga nagluib ang iyang asawa tungod kanunay silang magtawganay.
Apan sayo ning tuiga, nagduda na si Chen sa dihang nagsugod si Yu sa paglikay sa iyang mga tawag ug gusto nalang niini nga motrabaho.
Aron masubay ang iyang asawa, gimonitor ni Chen ang GPS sa telepono ni Yu niadtong Marso ug didto iyahang nadiskobrehan ang sekretong pakigtagbo sa iyang asawa sa hotel sa laing lalaki nga kauban niini.
Sa pagpahigayon og paternity test sa usa sa ilang mga anak, nahibaw-an ni Chen nga dili diay siya amahan niini apan gipili gihapon niya nga magpabiling kompleto ang pamilya apan wala na niini makaya dihang nahibaw-an nga lakip diay ang duha ka anak, dili iyaha.
