CEBU CITY – Wala mag-apas si Cebu City Vice Mayor Michael ‘Mike’ Rama sa rating nga gihatag sa DILG sa mga LGU.
Kini ang reaksyon sa bise mayor human nga nakakuha ug ‘medium passing rate’ ang dakbayan sa Sugbo sa road clearing operation.
Gibutyag ni Rama nga sundon niini ang balaud sa Ginoo kung diin unahon gayud ang mga tawu ilabi na ang mga kabus.
Matud pa nga lahi ang sidewalk ug ang dalan, ug giingung ang palimpyuhan ni Presidente Rodrigo Duterte mao ang kadalanan ug dili ang sidewalk hayan wala kini malipay sa gidangatan sa mga sidewalk vendors sa dalan Colon.
Gihimug-atan sa bise mayor nga gilantaw niini ang kinabag-ang kabus hinungdan nga siya magpaubos isip public servant.
Subay niini, gipahibalu sa bise mayor nga makig-isturya kini ni Presidente Duterte kabahin sa maong hisgutanan kung diin giingung kinahanglan usab nga lantawun ang sitwasyon sa mga kabus.
