Nag-ingun sa usa ka pamahayag sa Integrated Bar of the Philippines (IBP) nga giingong usa ka klarong pruweba nga ang sesyon sa Senado nga nahitabo niadtong Hunyo 3 legal ug balido.
Dugang sa IBP, ang sesyon sa Senado nga gihimo niadtong Hunyo 3 legal ug balido, tungod kay ang ilang baruganan gibase sa desisyon sa Korte Suprema sa kaso nga Avelino v. Cuenco niadtong 1949.
Sumala pa, ang tanang aksyon, resolusyon, ug desisyon nga gihimo atol sa sesyon—lakip na ang pagpili ni Sen. Sherwin Gatchalian isip acting Senate President ug ang pagtudlo sa bag-ong mga tsirman sa komite—giisip nga balido.
Ang maong pamahayag sumala ni De La Salle University College of Law professor, Atty. Jojo Lacanilao, diin iyang gitataw nga ang kadaghanan sa mga abogado sa tibuok nasud nagsuporta sa mga panghitabo nga nahitabo sa Senado niadtong adlawa.
Usa usab kini ka lig-on nga suporta ug ‘statement’ nga nag-ingon nga ang balaod ug lokal nga jurisprudence dapig sa Gatchalian bloc, sama sa gihisgutan sa IBP sa ilang pamahayag.
Bisan pa niini, matod niya nga si Sen. Gatchalian magpabilin nga acting Senate leader hangtod nga moabot sa 13 ang gidaghanon sa mga senador nga pabor kanila.
Gipasabot ni Lacanilao nga bisan kung adunay ubang mga abogado nga mahimong mosupak sa lakang sa Gathalian bloc, ang grupo misunod lamang sa angay, legal, ug ‘logical’ nga mga lakang aron tugotan ang chamber nga molihok human sa daghang mga pag-absent sa Cayetano bloc sa plenaryo.
