Gisaway pag-usab ni Sen. Sherwin Gatchalian ang sugyot nga i-postpone ang 2026 Barangay ug Sangguniang Kabataan Elections (BSKE).
Giinsistir niya nga kini supak sa Konstitusyon ug moresulta sa pagkawala sa katungod sa mga botante sa pagpili sa opisyal nga ilang pilion.
Dugang ni Gatchalian nga ang gobyerno wala magkulang og pondo alang sa mga programa sa ayuda busa ang ubang mga buhatonon sa gobyerno dili angay maapektuhan.
Ingon man nga ang kantidad nga P9 bilyon nga gigahin sa BSKE gamay ra kon itandi sa P230 bilyon nga pondo nga magamit pa alang sa mga programa sa social aid.
Ang pahayag ni Gatchalian nagsunod sa sugyot sa pipila ka mga magbabalaod nga i-realign ang bduget sa BSKE aron matubag ang krisis sa enerhiya.
Bisan si Sen. Imee Marcos, ang igsoon sa presidente, gusto usab nga i-reschedule ang eleksyon.
Samtang, giinsistir sa Commission on Elections (Comelec) nga gidili sa Korte Suprema ang paggamit sa badyet sa eleksyon para sa ubang mga katuyoan.
Apan kon ang balaod niini mausab, wala na silay laing mahimo gawas sa pagtuman sa pagpadayon o paglangan sa eleksyon sa barangay.
Base sa datos sa komisyon, kapin sa 3.9 milyon nga bag-ong mga botante ang nagparehistro na alang sa BSKE 2026, halos tulo ka pilo nga mas taas kaysa sa target nga 1.4 milyon.
Ang eleksyon gikatakda unta nga ipahigayon sa Nobyembre 2, 2026, human kini gilangan gikan sa orihinal nga petsa nga Disyembre 1, 2025.
