Nagtuo ang beteranong abogado nga si Atty. Jojo Lacanilao nga si Bise Presidente Sara Duterte mahimong pugson sa pagtambong sa iyang pagdungog aron sa pagtubag sa pipila ka kontrobersyal nga mga isyu nga anaa sa impeachment complaint batok kaniya.
Sumala ni Lacanilao, bisan kung ang presensya sa iyang mga abogado o representante igo na aron motambong sa korte, adunay mga higayon nga si VP Sara mismo mas makapasabot sa konteksto sa pipila ka mga isyu nga may kalabotan kaniya.
Dugang sa abogado, kinahanglan nga ipasabot sa ikadugang Presidente kung nganong adunay kalainan tali sa iyang rekord sa buhis ug sa iyang tinuod nga bahandi, lakip ang mga transaksyon sa bangko nga miabot sa pila ka bilyon, basi sa gipakita kaniadto sa mga hearing sa House Justice Committee.
Hinuon, ang pagpugos sa bise presidente sa pagtambong nagdepende gihapon sa presentasyon sa House prosecution panel sa ilang argumento tungod kay mao usab kini ang basehan sa desisyon sa impeachment court.
Masaligon usab ang beteranong abogado nga i-subpoena sa House panel ang kontrobersyal nga green box nga adunay rekord sa buhis ni VP Sara, bisan pa nga kini gibalik na sa Bureau of Internal Revenue.
Sumala ni Lacanilao, kinsa kaniadto nagsilbi nga tigpamaba ni Ex-Supreme Court Chief Justice Maria Lourdes Sereno sa dihang gipailalom sa impeachment proceedings ang kanhi chief justice, gibalik lang kini sa impeachment court tungod sa kakulang sa ‘custudial legis’ o legal custody sa korte sa maong box.
