Gipresentar sa prosecution team sa International Criminal Court (ICC) ang mga video ug dokumento aron pamatud-an nga ang pulong nga neutralisasyon ubos sa gubat batok sa droga sa miaging administrasyon direktang nagtumong sa mga pagpatay.
Atol sa hearing, gipresentar ni ICC Trial Lawyer Edward Jeremy ang gitawag nga listahan ni Duterte isip ebidensya.
Gihisgutan niini sila si kanhi Mayor Rolando Espinosa ug Mayor Reynaldo Parojinog nga susamang gimarkahan og neutralisado sa adlaw mismo nga sila gipatay.
Dugang pa, ang prosekusyon nagpresentar usab og chart diin si kanhi Presidente Rodrigo Duterte giingong nanghambog bahin sa pagpapas sa hulagway ni Espinosa human sa iyang kamatayon.
Aron mapalig-on pa ang kaso, gipagawas ni Jeremy ang mga video sa kanhi presidente.
Apil niini ang giingong pag-angkon ni Duterte nga ang iyang kahanas mao lamang ang extrajudicial killings, ingon man usa ka video diin iyang gisaulog ang kamatayon sa 32 ka mga indibidwal sa usa ka operasyon sa Bulacan.
Sumala sa prosekusyon, ang ebidensya nga gipresentar igo na aron pamatud-an nga ang mga pagpatay kabahin sa usa ka sistematikong pag-atake sa mga sibilyan ug usa ka pormal nga palisiya sa estado.
