UNITED STATES-Nisaka ang gidaghanon sa mga senior Democrats nga nagpahayag sa ilang suporta kang US Vice President Kamala Harris alang sa pagdagan sa pagkapresidente sa US.
Kini nunot sa desisyon ni US President Joe Biden sa pag-atras tungod sa panawagan sa kadaghanan sa iyang mga miyembro sa partido.
Bisan ang mga nagdonar sa mga Demokratiko nagpahayag sa ilang suporta alang kang Harris nga nag-ingon nga ang ilang mga donasyon dili mausik.
Pipila sa mga dagkong tawo nga mipadayag og suporta kang Harris mao sila si kanhi Democratic presidential nominee Hillary Clinton, kanhi Presidente Bill Clinton ug kanhi Secretary of State John Kerry.
Bisan si Massachusetts Senator Elizabeth Warren, ug Minnesota Senator Amy Klobuchar, ang mga magbabalaod nga midagan batok kang Biden alang sa iyang nominasyon sa 2020, nagpahayag og suporta kang Harris.
Una nang niingon si Harris nga andam niyang dawaton ang hagit ug mahimo niyang pildihon si kanhi US President Donald Trump.
