Niabot na sa pito ang ihap sa nangamatay sa bagyong Ramil sa nasud.
Apil na niini ang lima ka gikatahong nangamatay sa Quezon Province human natumba ang dakong punoan sa ilang panimalay.
Duha ka kaswalti ang natala sa Western Visayas base sa bag-ong datos nga nadawat sa National Disaster Risk Reduction and Management Council (NDRRMC).
Ang maong mga numero padayon pa nga giberipika samtang aduna pay posibilidad nga mosaka pa ang maong ihap kung padayon pa nga mo-verify ug makadawat ang buhatan og mga datus kalabot sa mga casualty sa bagyo.
Ingon man nga usa usab ang gikataho nga naangol sa maong insidente samtang duha ang missing karong panahona.
Samtang, kapin sa 38,000 ka pamilya ang na-report nga apektado, nga katumbas sa kapin sa 133,000 ka indibidwal.
