Misaka na sa 228 ang ihap sa mga tawo nga nangamatay tungod sa pagbaha ug uban pang mga epekto sa kusog nga pag-uwan sa Kenya.
Diin ang pagbunok sa uwan nga mao’y hinungdan sa kaylap nga pagbaha ug pagdahili sa yuta sa tibuok nasud sa miaging mga semana ug gibanabana nga mosamot pa sa ning buwan sa Mayo.
Sa usa ka pahayag, ang ministry nag-ingon nga ang dugang nga pagbaha gipaabut sa ubos nga mga lugar, mga ‘riparian areas’ ug mga lugar sa kasyudaran samtang ang mga pagdahili sa yuta mamahimong mahitabo sa mga lugar nga adunay titip nga mga bakilid, mga escarpment ug mga bung-aw.
Sa pagkakaron, ang mga dalubyo nakaguba na sa mga balay, dalan, taytayan ug uban pang imprastraktura sa tibuok kinadak-ang ekonomiya sa East Africa.
Diin labing menos 164 ka mga tawo ang nasamdan sa dili maayo nga panahon, samtang 212,630 ang nabakwit.
