CENTRAL VISAYAS-Nagkataas ang ihap sa mga ni-file og COCs sa umaabot nga piniliay ug gikatahong madungagan pa kini ugmang adlawa.
Sa pakighinabi sa Bombo Radyo Cebu kang Atty. Lionel Marco Castillano, Regional Election Director sa Comelec diin miingon kini nga anaa pa sa 70% ang natala nga nisumiter apan, gilauman nga mosaka pa ugmang adlawa, sa ulahing adlaw sa pag-file og Certificate of Candidacy.
Gipahinumduman sab ni Castillano ngadto sa mga kandidato nga ipabilin ang kalinaw ug kahapsay hilabi nga nga dili malikayan ang kainit sa isig partido.
Bisan paman walay natalang kaguliyang sa Sugbo sugod sa unang filing sa mga COCs hangtud sa kasamtangan apan, nipasadaan si Castillano nga dili gihapon mo-kompyansa sa mga posibilidad nga adunay kagubot nga mopatim-aw taliwa sa gipahugtan nga seguridad ug ubos sa gipatuman nga gan bun.
