Nagpabiling labaw ang prosekusyon human sa gipahigayong cross-examination kalabot sa isyu sa confidential funds, sumala sa pagtuki ni Atty. Rameses Victorius Gatchalian Villagonzalo, usa ka ICC Accredited Lawyer.
Base sa iyang pamahayag, malampusong na-highlight sa saksi kung giunsa pagkahimong irregular ug “disallowable” ang mga pagbayad o pagpagawas sa maong confidential funds. Nasaysay usab sa saksi ang mga legal nga basehan kung nganong dili katanggap-tanggap ang mga nahimong gasto sulod sa maong yugto sa panahon.
Samtang gipamatud-an ni Wamil, nga gikutlo ang usa ka circular sa Commission on Audit nga nag-ingon nga ang kapakyasan sa usa ka “accountable officer” sa pag-liquidate sa pondo kung pangayoon usa ka prima facie nga ebidensya sa sayop nga paggamit, ug gikumpirma nga si Duterte kwalipikado isip usa ka accountable officer.
Gipasabot ni Atty. Villagonzalo nga nahimong disbentaha kini sa depensa tungod kay napakyas ang depensa sa pagpanghimakak o pag-controvert sa isyu sa kakuwang og mga supporting documents. Dugang niya, wala gayud silay napakita nga mga acknowledgment receipts nga magsuporta sa ilang mga paggasto.
Tungod niining tataw nga kakuwang sa dokumento sa pikas kampo, giklaro sa abogado nga ang testimonya sa saksi gikan sa Commission on Audit (COA) kay nagpabiling lig-on ug nagbarug sa maong kaso.
