Gipahigayun sa BFAR 7 ang ika-63rd Fish Conservation Week, kagahapon adlawng Huwebes, Setyembre 17, 2026 sa Arellano Blvd, Cebu City.
Ang maong programa usa ka culmination activity nga magtapok ang mga pipila ka Local Government Units, Fisher folk Groups, Organizations, Schools, Media and other Government agencies sa Department of Agriculture aron pasidungan ang nahimong kontribusyon sa mga programa alang sa panginabuhian sa kadagatan.
Sa tema nga “Lusay, Korales, at Bakawan: Yaman ng Karagatan, Masagang Buhay ng Pamayanan,” gipasiugda sa kalihukan ang importansya sa pagpanalipod ug pagpreserbar sa mga ekosistema sa kadagatan, ilabi na ang mga seagrass, coral reefs ug bakawan nga dakong bahin sa kinabuhi sa mga isda ug uban pang lamang-dagat.
Gipanguluhan ang maong kalihukan ni Dir. Mario Ruinata, Regional Director sa Bfar 7 nga nagpasiugda sa mga kalihukan sa mga nagkalain-laing kompetisyon ug mga programa nga nagtumong sa pagpalapad sa kahibalo sa publiko, ilabi na sa mga kabatan-onan, mahitungod sa responsableng pagpanagat, pagpreserbar sa kadagatan ug pag-atiman sa marine resources.
Lakip sa gipakita sa maong selebrasyon ang mga kalampusan sa Adopt-A-School Program, diin gipasidunggan ang mga eskwelahan ug mga partisipante nga aktibong miapil sa mga programa alang sa pagpalambo sa kahibalo sa mga estudyante bahin sa fisheries conservation.
Gipasidunggan usab ang MART NSF Bohol isip usa sa mga nakab-ot nga kalampusan ubos sa Adopt-A-School Program, samtang gipakita sa mga mananaog sa Jingle Contest ang ilang pagkamamugnaon sa paghatod sa mensahe bahin sa pagpreserba sa kadagatan.
Pinaagi sa Fish Conservation Week, gipahinumdoman ang publiko nga dili lamang responsibilidad sa mga mangingisda ug mga ahensya sa gobyerno ang pagpanalipod sa kadagatan, kundili apil usab ang matag komunidad, eskwelahan, organisasyon ug indibidwal.
Gilauman nga pinaagi sa padayon nga edukasyon, partisipasyon ug pagtinabangay sa nagkalain-laing sektor, mapadayon ang pagpreserbar sa mga bahandi sa kadagatan alang sa kasamtangang henerasyon ug alang usab sa mga mosunod pang henerasyon.
