Malinawon ug malampuson ang ikaduhang adlaw sa 2024 Regionalized Bar Examination sa dakbayan sa Sugbo nga gipahigayon karong adlawa, Miyerkules, Septiyembre 11 sa University of San Jose-Recoletos (USJ-R) Basak Campus.
Sa eksklusibong pakighinabi sa Bombo Newsteam kang Police Major Jeciree S. Basitao,ang Station Commander sa Inayawan Police Station ug designated Venue Commander sa Bar Exams sa dakbayan sa Sugbo diin hugot gihapo nilang gipatuman ang lagda sa trapiko, liquor ban, ug anti-noise ordinance sa pagpatuman sa protocols sa seguridad sa naasoy nga eksaminasyon.
Kahinumduman nga sa nakalabay nga adlaw sa Dominggo, Septiyembre 8, ang unang adlaw sa eksaminasyon ug ang ikatulong hugna niini sa umaabot Septiyembre 15 sa samang venue nga tunghaan diin mukabat sa linibo ang mikuha sa eskaminasyon diri lang sa Central Visayas.
