-- ADVERTISEMENT --
CEBU – Gidili ang pagdala og ilimnong makahubog sulod sa mga sementeryo.
Kung makakita ang kapulisan og tawo nga hubog nga mosulod sa sementeryo, hatagan sila og pahimangno sa paggawas.
Kung dili sila mosugot, ang maong indibidwal ihatod sa police mobile ug i-escort sa pulis ngadto sa iyang pinuy-anan.
Kini human nipagawas sa iyang pahimangno si Police Brigadier General Roderick Augustus Alba, director sa Police Regional Office sa Central Visayas, sa wala pa ang Kalag-Kalag 2022 nga selebrasyon.
Matud ni Alba nga mokabat sa 3,000 ka police personnel ang ipakatap sa rehiyon sa diha nga mahuman na ang Kalag-Kalag 2022 guidelines.
-- ADVERTISEMENT --
