Nagsugod na ang plano alang sa pagpalikas sa gatosan ka mga barko ug kapin 11,000 ka mga seafarers nga kasamtangang natanggong sa Gulf region tungod sa nahitabong hunong-buto tali sa Iran ug Estados Unidos.
Sumala sa International Maritime Organization (IMO) sa United Nations, nakig-coordinate na sila sa mga barko sa dapit aron masugdan ang luwas nga paglawig gawas sa Strait of Hormuz.
Giduso kini pinaagi sa usa ka dako nga operasyon sa pagtinabangay sa Iran, Oman, Estados Unidos, ug uban pang kompanya aron masiguro ang kaluwasan sa mga tripulante.
Gipahayag sa Ministry of Defense sa Oman nga anam-anamon ang pagpahigayon sa evacuation aron malikayan ang pagpamangga sa mga barko sa kadagatan.
Sa pagkakaron, dili una gamiton ang Traffic Separation Scheme o ang nag-unang shipping route sa Strait of Hormuz nga gilusad sa IMO niadtong 1968. Isip puli, duha ka temporaryong ruta sa amihanan ug habagatan sa maong agianan ang gamiton alang sa luwas nga pagpabiya sa mga barko.
